انت وهي
تعالي معانا حتلاقي احسن صحبة و احسن بنات


 
الرئيسيةالتسجيلدخول

شاطر | 
 

 ليله القدر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sara
عضوة هايلة
عضوة هايلة


عدد المساهمات : 139
نقاط : 268
السٌّمعَة : 1
تاريخ التسجيل : 21/06/2010

مُساهمةموضوع: ليله القدر   الأحد يوليو 25, 2010 9:14 am

ـ هي ليلة القدر النهاردة ؟
( قالها زميلي ( هاني جرجس ) بينما يسحب الكرسي ليجلس )
ـ الله أعلم .
ـ يعني إيه ؟ هي مش ليلة سبعة و عشرين ؟
ـ مش لازم سبعة و عشرين ، ممكن واحد و عشرين ، تلاتة و عشرين ، خمسة و عشرين ، تسعة و عشرين ، على حسب .
ـ طيب لو رمضان في مصر سبعة و عشرين و في السعودية تمانية و عشرين ؟
ـ إزاي ؟ مش فاهم .
ـ مش انتم و السعودية أحيانا يقولوا بكرة رمضان و انتم تقولوا لأ مش بكرة ده بعد بكره ؟ صح ؟
ـ أيوة بيحصل أحيانا .
ـ طيب ما هو ساعتها ها تبقى في السعودية ليلة سبعة و عشرين
و عندنا في مصر ها تبقى ليلة ستة و عشرين ، و لما تبقى سبعة و عشرين عندنا ها تبقى ليلة تمانية و عشرين في السعودية .
ـ فهمت ، و اسمح لي أرد عليك ،
لو أنا قلت لك ها نروح للدكتور النهاردة الساعة سبعة و بالفعل على الساعة سبعة بالثانية أنا رحت و كشفت حسب الميعاد ،
و لكن ساعة حضرتك كانت مأخرة ساعة كاملة ، و جيت على الساعة تمانية و أكيد طبعا الكشف راح عليك ،
هل وقتها تقول لا لازم أكشف لأن الساعة معايا سبعة ؟
ـ يبقى ممكن تكون ليلة القدر في ليلة عشرين أو اتنين و عشرين أو أربعة و عشرين أو ستة و عشرين أو تمانية و عشرين أو حتى تلاتين عند المخطئين في رؤية الهلال ؟
ـ ممكن ، ليه لأ ؟
ـ يعني مش لازم تلتمسوها في الليالي الفردية بس ؟
ـ لا طبعا ، بص أنا ها أريحك ،
ليلة القدر ليلة معلومة عند رب العالمين و لكنه لم يخبرنا بها عشان كل واحد يجتهد و يحرص على أن يكون من المقبولين فيها ،
و لكن من يركز على ليلة بعينها عشان يجتهد فيها و يسيب بقية الليالي فربنا مش ها يقبل منه طبعا ،
عارف زي إيه ؟
ـ زي إيه ؟
ـ زي ما البعض سأل الرسول عليه الصلاة و السلام ( متى الساعة ؟ ) تعرف الرسول رد عليه و قاله إيه ؟ ( و ماذا أعددت لها ؟ ) ،
يعني المهم إني أكون باعمل ليوم القيامة مش مهم أبدا هي ها تقوم إمتى ، برضه المهم اني أجتهد في رمضان و في غير رمضان كمان ،
لكن بقى أحاول أعمل نفسي ( بُرم ) و ما أصليش و لا أجتهد في صلاتي إلا ليلة سبعة و عشرين أو أي ليلة بعينها فعمري ما ها شوف ليلة القدر و لو شفت حلمة ودني ،
يعني ممكن نكون بنصلي أنا و ياسر أخويا مثلا جنب بعض ، و هوه ربنا يجعله من أهلها و أنا لأ ،
و ممكن أكون من أهلها في ليلة تانية و هوه لأ .
ـ هو في ليلة و انته في ليلة تانية ؟
ـ عادي .
ـ طب إزاي و هي أصلا ليلة واحدة بس ؟
ـ ليلة واحدة في السنة أيوة ،
لكنها ستين أو حاجة و سبعين أو تمانين ليلة طول عمري ،
فممكن يبقى أخويا من أهلها السنة دي و أنا أبقى من أهلها السنة الجاية أو اللي بعد اللي بعدها .
ـ طيب و بتعرف إزاي انك من أهلها أو لأ ؟
ـ لو لقيت نفسي إتغيرت بعدها و ماشي بما يرضي الله يبقى أنا من أهلها .
ـ و إذا لقيت نفسك ما اتغيرتش ؟
ـ يبقى لازم أقعد أبكي ليل و نهار و أدعي ربنا إنه يمد في عمري و أشوفها تاني .
الرجوع الى أعلى الصفحة اذهب الى الأسفل
كوووكي
عضوة نشيطة
عضوة نشيطة


عدد المساهمات : 39
نقاط : 70
السٌّمعَة : 1
تاريخ التسجيل : 01/07/2010

مُساهمةموضوع: رد: ليله القدر   الثلاثاء يوليو 27, 2010 4:46 pm

عندك حق يا ساره
وجزاكي الله خيرا
الرجوع الى أعلى الصفحة اذهب الى الأسفل
 
ليله القدر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
انت وهي :: المنتدى الاسلامي :: الخيمه الرمضانيه-
انتقل الى: